Ég er sálfræðingur og sérfræðingur í klínískri barnasálfræði. Ég starfa nú sem ráðgjafi farsældar í leikskólum Kópavogs þar sem ég sé annars vegar um stuðning við tengiliði farsældar/sérkennslustjóra í tengslum við innleiðingu á farsældarlögunum og hins vegar að styrkja bjargir leikskólanna á 1. stigi m.a. með fræðslu um hegðun, ráðgjöf fyrir deildir um aðlögun umhverfis og hegðun starfsfólks í samskiptum við börnin og ráðgjöf til foreldra og leikskóla og skipulag íhlutunar vegna barna sem sýna krefjandi hegðun, eiga við svefnerfiðleika að stríða, þurfa þjálfun í tilfinninga- og félagsfærni o.fl. Að auki kenni ég m.a. námskeið fyrir leik- og grunnskólastarfsfólk hjá EHÍ, sinni tilfallandi verkefnum í HÍ og sit í stjórn Sálfræðingafélags Íslands.